Style

Style

Emma鍾意著嘅衫總會變成當季潮流!Emma7大精心之選!


ViVi中最識得打扮嘅Emma為我地大公開今季佢最想着嘅衫。喺基本嘅休閒造型中不乏女性化嘅顏色同剪裁,令大家變得更加有女性魅力♡

1.Marine Serre
「我終於買到啦! Marine Serre 嘅月亮上衣!」依款月亮print 上衣發售之後賣斷過好多次,我想買好耐都買唔到。最近終於買到啦所以真係好開心好鐘意!Marine Serre 係一個法國牌子,設計師只有28歲!依個品牌嘅造型介乎喺街牌同女性化造型之間,我好鍾意佢嘅世界觀。


2.Mood for Vest
「我最鍾意嘅衫no.1 就係針織背心!」呢個冬天我想買一款新嘅針織背心,我搵咗好多唔同牌子最後決定買咗Fred Perry。依款正統派嘅設計同街牌嘅衫一齊着真係好夾。我會襯長身Tee 嚟着。


3.Black Leather Jacket 
依件我喺倫敦Bershka 買嘅黑色皮褸,我每次着都會俾朋友問我喺邊度買。因為依款皮褸設計比較長所以好容易襯其他衫,如果襯單色迷你裙着嘅話就會顯得好成熟。


4.Zebra Fleece
「呢件the Virgins 嘅斑馬紋外套我決定今季要無限loop 黎着!」我諗好難搵到仲有其他衫又可愛又咁舒服!(笑)依款斑馬紋外套嘅圖案好可愛,而且佢嘅剪裁仲有細緻嘅地方都做得好完美。可以配合女性化造型去着,而佢同街牌嘅衫都好襯。我有預感今季我會淨係着佢!


5.Love Beige
「愛上米啡色!只要着起呢隻顏色就會變得非常有女人味!」我好鍾意依款有啲闊身嘅針織衫,因為佢有啲大件所以會露出鎖骨。着起嚟嘅時候我覺得好sexy。我諗呢件應該係好受異性歡迎嘅衫(笑)


6.Mouton Bomber JK
「依款mouton bomber 外套真係好暖。」當我好想要一件mouton bomber 外套嘅時候就遇上左佢。我好鍾意佢有一種復古同埋好cool 嘅感覺。前排我第一次去咗Todayful 展覽會,我見到好多好靚嘅衫令我好興奮(笑)。


7.My all White
「Emma嘅全白色造型選擇咗闊身剪裁嘅衫 X 重視鞋嘅配搭。」最近我鍾意用輕鬆嘅造型去着街牌衫,全白色會顯得比較女性化,我揀咗呢對Nike X sacai ,着起會有一種潮流達人嘅感覺(笑)