Skincare & health

Skincare & health

絕對成功嘅減肥法則!透過美體健身嚟打造自己史上最靚嘅Body 啦!

目標唔再淨係要瘦,係要有美麗同精緻嘅身體線條!想變成咁大概需要1個月嘅時間。所以而家就係最適合開始鍛鍊身體嘅時期啦!而家開始努力鍛鍊出人生中最靚嘅體型去迎接呢個夏天啦。

塑體教練 小尾晉太郎

個別專人鍛練健身房「TI FIT Training Habit」嘅代表。為每一個人設計適合佢哋嘅健身方式。Model、女藝人、甚至許多女性嘅纖體達人。
http://www.habit-training.com

就算係好似ViVi girl 內藤沙季咁嘅初學者都無問題!一齊嚟跟小尾教練學吓嘢啦!

STEP1 做有氧運動燃燒脂肪!

有氧運動最適合瘦全身~「呼呼」做到會喘氣咁嚟燃燒脂肪啦!今期介紹就算喺室內都做到,而且又可以更有效咁燃燒脂肪嘅30秒跳躍。

❶單膝跪地Standby

左膝跪地伸直背筋。手臂一用力嘅話腹肌就用唔到力,所以手要向前伸直。

❷JUMP!!

❸離地時交換雙腳

背脊保持拉直跳起,空中交換雙腳!左腳喺前著地。

❹JUMP!!

❺有節奏咁重複以上動作

今次就係跳完,右腳要喺前著地。有節奏咁重複以上動作燃燒脂肪!

做30秒→休息15秒

「身體郁動咗一定嘅時間後要有適當休息」,重複咁樣做可以保持體力,令到一組動作可以做得更長久,增加鍛鍊肌肉嘅效率!

STEP2 重視體形嘅肌肉鍛練!

有效鍛練下半身嘅下蹲動作!

20次 × 3set
彎腰NG !

❶擘大雙腳企直

擘大雙腳,手臂向前伸直!注意腰唔可以彎曲。

❷曲腳向下蹲

要注意係大脾用力曲腳向下蹲而唔係由屁股用力,腳踭唔好離地。

利用地板有效鍛鍊體形!

KEEP 1分鐘
彎腰NG

令到腹部感到酸痛

俯臥手踭掂地。利用腳指去支撐全身,抬起腹部維持1分鐘。

鍛鍊上半身嘅拉背動作!

鍛鍊背脊就可以收緊上半身!
20次 × 3set
唔好抬起膊頭
喺後面睇就係咁樣……

❶雙手拎起毛巾放喺頭上面

擘開雙腳企直,拎起毛巾,手向上拉直。秘訣係要一口氣拉開毛巾。

❷將毛巾放至膊頭水平位置

手踭屈曲將毛巾拉到膊頭水平位置,會感受肩胛骨肌肉向內拉緊。

掌上壓

5次X3set
膊頭~屁股要同地面保持平行
如果做唔到❸嘅動作的話……

❶俯臥曲起雙手雙腳

俯臥然後將手掌平放喺胸部水平位置。屈起手踭,抬起雙腳向內,對齊腳掌。

❷慢慢咁抬起腹部

拉起手踭嘅同時慢慢咁抬起腹部。腹部用力,向前穩定姿勢。

❸之後再將手踭完全伸直

手踭伸直,抬高腹部。呢個動作做唔到的話,可以將膝頭同屁股形成直角,然後腳尖掂地,上半身上下郁動!

掌握減肥嘅關鍵!飲食習慣嘅7大要訣

要訣1: 「唔食嘢」NG!!

要減肥所以唔食任何嘢係反效果。空肚太耐會令到身體變成飢餓狀態,導致下一次嘅進食更加容易吸收。

要訣2: 「高蛋白‧低卡路里」係基本!

每日都要有意識咁進食高蛋白同低卡路里嘅食物。除咗左邊嘅食品外,日式冷豆腐、涮豬肉等等都好推薦㗎。

左上: 三文魚、右上:即食雞胸肉、左下:納豆、右下:罐頭鯖魚

要訣3: 早餐要有蛋白質!

朝早攝取咗蛋白質可以有效支撐一日嘅活動量。又可幫助調理身體。要常備一啲朝早就算幾忙都可以簡單攝取到蛋白質嘅嘢!

左: 烚蛋、右:蛋白粉

要訣4: 1日飲2L水

清水係0卡路里,無論飲幾多都唔會肥,而且又唔使驚會浮腫。多飲溫水身體循環都會好啲。

要訣5: 用西瓜去除浮腫

夏天嘅時令水果.西瓜等等瓜類食品,都係有控制、排出體內嘅水分同鹽分嘅作用。青瓜都好推薦。

要訣6: 蔬菜要切大塊啲!

「咀嚼」呢一個動作可以俾到肚同腦滿足嘅錯覺,所以蔬菜盡量唔好切成絲,要切得大塊啲。慢慢咀嚼亦可。

要訣7: 運動後要食白飯!

飯後血糖值會上升,更容易排出令人瘦嘅荷爾蒙。運動後吸收好嘅時候進食白飯,一齊燃燒脂肪啦!

維持肌肉!
呢個都好推薦!蜂蜜可以増強,保護肌肉,而且可以當零食咁食!
蜂蜜條套裝 15g×10包¥1300/山田養蜂場

健身唔單止可以變靚,向住目標前進亦係一件好值得表揚嘅事。
快啲一齊嚟透過塑體提升自己啦!

Photo/Yasuhiro Ito(ViVigirl),Makoto Muto(still) 
Composition/Masami Oguma